*జగద్గురు శ్రీ శంకరాచార్యుల వారి సంక్షిప్త జీవిత కథామృత గానము*
-బ్రహ్మచారి విజయానంద
శ్రీ శుకబ్రహ్మాశ్రమము
శ్రీ శంకరాచార్యులట - అద్వైత జ్ఞానులట
పరమశివుని అంశమట - అవతారమూర్తియట
కేరళ దేశమట -
మరి కాలడి గ్రామమట
ఆర్యాంబ తల్లి యట -
శివగురు తండ్రి యట
మహేశుని వరమట - శంకరులు పుట్టిరట
ఏడేళ్ళ వయస్సట - వేదములు నేర్చెనట
తల్లి స్నానము కొరకట - నదినే రప్పించెనట
సర్వమత సారమట - శంకరులు ఎరిగిరట
ఎనిమిదేళ్ళ వయస్సట - భిక్షాటనకెళ్ళెనట
లక్ష్మీ స్తోత్రం చేసెనట - కనకధార కురిసెనట
నదిలోని కెళ్ళెనట - మొసలియే పట్టెనట
దీక్షనే కోరెనట -
తల్లి అనుమతించెనట
మొసలి పారిపోయెనట - తల్లికి మ్రొక్కెనట
తీర్థయాత్ర చేసెను - గురువుకై వెదికెనట
గోవింద గురుని కలిసెనట - సన్న్యాసిగ మారెనట
బ్రహ్మసూత్రాలు నేర్చెనట - మహావాక్యాలు వినెనట
ఉపనిషత్తులు చదివెనట - చూడామణిని వ్రాసెనట
నర్మదకు వరదలట -
నీరు గుహలోని కొచ్చెనట
కమండలము పెట్టెనట - వరదనంతా పట్టెనట
అది ఎరిగి గురువు అట - శంకరుని మెచ్చెనట
కాశీకి వెళ్ళిరట - పరమగురుని చూచెనట
గౌడపాదాచార్యులట - శంకరుని చూచిరట
ప్రస్థాన త్రయమిచ్చెనట - భాష్యమునే అడిగెనట
శంకరులే వ్రాసిరట - ఓమ్ ఓమ్ ఓమ్
సాధనెంతొ చేసిరట - జీవన్ముక్తులయ్యిరట
స్వగ్రామము కేగెనట -
తల్లి కిచ్చె మోక్షమట
గురుపీఠము చేరెనట - వారసుడు అయ్యెనట
సానందుడు శిష్యుడట - ఆత్మబోధ నిచ్చెనట
నది కావల నిలిచెనట - సానందుని పిలిచెనట
అడుగడుగున పద్మమట - పద్మపాదుడయ్యెనట
విద్యార్థిని చూచెనట - “భజగోవిందము”నిచ్చెనట
పంచముడు వచ్చెనట - పరమశివుడే అతడట
మనీషా పంచకమట - శంకరులే చెప్పిరట
పదునారవ ఏడు అట - వృద్ధముని వచ్చెనట
వాదనకు మెచ్చెనట - ఆయుస్సును పెంచెనట
వ్యాసుడే అతడట - అదృశ్యమైపోయెనట
మూగవాడు వచ్చెనట - బోధరూపుడన్నాడట హస్తామలకుడయ్యెనట - శిష్యునిగ చేరెనట
కౌశాంబి కేగెనట -
మృతజీవుని లేపెనట
చదువురాని వ్యక్తియట - తోటకమే చెప్పెనట
తోటకాచార్యుడట - శంకరుల శిష్యుడట
మండనుని కలిసెనట - విశ్వరూపనాముడట
భారతి జడ్జి యట - వాదము కొనసాగెనట
మండనుడు ఓడెనట - భారతి ప్రశ్నించెనట
శంకరులు కోరిరట - గడువునే అడిగిరట
శంకరులు వెళ్ళిరట - మృతరాజులో చేరిరట
కామజ్ఞాన మెరిగెనట - అమర శతకం వ్రాసెనట
మరల తిరిగి వచ్చెనట - భారతి నోడించెనట
మండనుడు శిష్యుడట - సురేశ్వరాచార్యుడట
“నైష్కర్మ్య సిద్ధి”నిచ్చెనట - ఓమ్. ఓమ్. ఓమ్
శంకరుల వెనువెంట - భారతి నడిచెనట
షరతునే పెట్టెనట - వెనుకకు చూడకుమనెనట
కప్పబాధనొందెనట - పాము పడగ గొడుగు అట
వింత చూడుమన్నాడట - వెనుకకు తిరిగెనట
భారతి ఆగెనట -
శారదా పీఠమయ్యెనట
శిష్యులతో కూడి అట - కాశ్మీరం చేరెనట
సర్వజ్ఞ పీఠమట - పండితుల కొలువు అట
చతుష్షష్టి కళలకట - చతుష్షష్టి ప్రశ్నలట
సమాధానమిచ్చెనట - పీఠము మరి ఎక్కెనట
సర్వజ్ఞుడయ్యెనట -
ఓమ్. ఓమ్. ఓమ్
కాపాలికుడు వచ్చెనట - బలిదానం కోరెనట
కత్తిని పైకెత్తెనట - పద్మపాదుడు చూచెనట
నరసింహుడు అయ్యెనట - కాపాలికుని చంపెనట
నరసింహస్తోత్రమట - శంకరులే చేసిరట
శంకరుని బోధ అట - వేదాంత సారమట
బ్రహ్మయు నేనే అట - విష్ణువు నేనే అట
శివుడున్నూ నేనే అట - అంతయు నేనే అట
జాగ్రదవస్థ మిథ్యయట - స్వప్నమూ మిథ్యయట
సుషుప్తి మిథ్య యట - నీవు మాత్రం సత్యమట
కుండయే పగులునట - ఆకాశం పగులదట
దేహమే రాలునట -
నీ ఆత్మరాలదట
శివుడే ఆత్మయట -
గౌరి దేవి బుద్ధియట
ప్రాణాలే మిత్రులట - దేహమే గృహమట
నడకయే ప్రదక్షిణమట - నిద్రయే సమాధియట
నిత్య కర్మలన్నియట -
శ్రీ శివ పూజలట
పీఠాలు నాలుగట -
నలుదిశల ఉన్నవట
శారదా పీఠమట - ద్వారకా క్షేత్రమట
వేదము సామమట - “తత్త్వమసి”
వాక్యమట సురేశ్వరుడు గురువట - గోమతి తీర్థమట
గోవర్ధన మఠము అట - జగన్నాథ క్షేత్రమట
వేదము ఋక్కుఅట - “ప్రజ్ఞానం బ్రహ్మ”మట
గురువు పద్మపాదుడట - తీర్థము సాగరమట
జ్యోతిర్మఠమట - బదరీనాథ క్షేతమట
వేదము అథర్వమట - “అయమాత్మా బ్రహ్మ”మట
తోటకాచార్యుడట - అలకనంద తీర్థమట
శృంగేరి మఠమట - రామేశ్వరం క్షేత్రమట
యజుర్వేదమట - “అహంబ్రహ్మాస్మి” యట
గురువు పృథివీధరుడట - తుంగభద్ర తీర్థమట
శంకరుల వయస్సట - ముప్పది రెండుయట
కేదారనాథ్ చేరిరట - శివరూపము నొందిరట
స్వాత్మరూపులైరి అట - ఆనందమేవారు అట.
*ఓం మంగళం శంకరాచార్యాయ మహనీయ గుణాత్మనే ।
సర్వలోక శరణ్యాయ - సాధురూపాయ మంగళమ్ ॥*